July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

घुँडामुनि सुन्निएर मनमोहन अस्पताल भर्ना भएकी महिलाको मृत्युपछि अस्पतालमा ढुंगामुडा, अवस्था तनावग्रस्त

  • साझा परिवेश
  • मङ्लबार, पुस १०, २०८० १५:३१
घुँडामुनि सुन्निएर मनमोहन अस्पताल भर्ना भएकी महिलाको मृत्युपछि अस्पतालमा ढुंगामुडा, अवस्था तनावग्रस्त

बिर्तामोड । झापाको बिर्तामोडस्थित मनमोहन मेमोरियल सामुदायिक अस्पताल परिसरमा तनावग्रस्त बनेको छ । उपचाररत एक महिला बिरामीको मृत्यु भएपछि बिरामी पक्षका आफन्तहरूले मंगलबार बिहान अस्पताल परिसर घेराउ गर्दै नाराबाजी गरिरहेका छन् । उनीहरूले उपचारका संलग्न चिकित्सकमाथि कारबाहीको माग गरिरहेका छन् ।

आक्रोशित बनेका मृतकका आफन्तजनहरूले झापाको बिर्तामोडस्थित मनमोहन मेमोरियल सामुदायिक अस्पतालमा ढुंगामुडा गरेका छन् । अस्पतालमा उपचाररत एक महिला बिरामीको मृत्यु भएपछि आक्रोशित बनेका आफन्तहरूले सोमबार साँझदेखि अस्पताल परिसर घेराउ गर्दै नाराबाजी गरिरहेका छन् ।

सोही क्रममा उनीहरूले बाहिरबाट ढुंगामुडा गर्दा अस्पतालको सिसाहरू फुटेको छ । अस्पताल हुने सम्भावित तोडफोडको घटनालाई लक्षित गरी ठुलो सङ्ख्यामा प्रहरी परिचालन गरिए पनि उनीहरूले अन्ततः ढुंगामुडा प्रहार गरे । प्रहरीले भने प्रदर्शनकारीमाथि बल प्रयोग नगरेको बताइएको छ ।

अहिले पनि अस्पताल परिसर तनावग्रस्त छ । सडकबाहिर प्रदर्शनकारीको भीड छ, भने प्रहरीले अस्पतालको मुख्य गेट अगाडि सुरक्षा दिइरहेको बताइएको छ । अस्पतालको लापरबाहीले बिर्तामोड नगरपालिका ९ निवासी अन्दाजी ३४ वर्षीया नर्वदा बाँस्कोटाको मृत्यु भएको परिवारजनको आरोप लगाएका छन्। घुँडामुनि सुन्निएर नर्वदालाई सोमबार बिहान ७ बजे मनमोहन अस्पतालको इमर्जेन्सीमा भर्ना गरिएको थियो । उपचारका क्रममा उनको बेलुका साढे ५ बजे मृत्यु भएको थियो । बिरामीको मृत्युको कारण अस्पताल प्रशासनले अहिलेसम्म सार्वजनिक गरेको छैन ।

लापरबाही गर्ने स्वास्थ्यकर्मीलाई कारबाही गर्नुपर्ने आफूहरूको माग रहेको मृतकका भाइ दिनेश बाँस्कोटाले बताए । मनमोहनले उपचार पनि नगरेको र ८ घण्टासम्म रिपोर्ट नदिँदा अन्यत्र लैजान नसकेको उनको आरोप छ । अहिले अस्पतालको घटनाको विषयमा इलाका प्रहरी कार्यालय अनारमनिमा दुवै पक्षबीच छलफल चलिरहेको छ । मृतकका श्रीमान्, ११ वर्षका छोरा र अढाई वर्षकी छोरी रहेका छन् ।

  • साझा परिवेश
  • मङ्लबार, पुस १०, २०८० १५:३१

प्रतिक्रिया

तपाइको प्रतिक्रिया दिनुहोस्