नेपाललाई ‘आइसिसी डिजिटल फ्यान इन्गेजमेन्ट अफ द इयर’ अवार्ड
साझा परिवेश
बुधबार, बैशाख १२, २०८१ १६:0१
काठमाडौं । नेपाल क्रिकेट संघ (क्यान)ले ‘आइसिसी डिजिटल फ्यान इन्गेजमेन्ट अफ द इयर’ अवार्ड जितेको छ।
अन्तर्राष्ट्रिय क्रिकेट परिषद् (आइसिसी) ले बुधबार सार्वजनिक गरेकाे सूचीमा नेपाल एसिया क्षेत्रतर्फ विजेता बनेको हो ।
यो अवार्ड अफ्रिकातर्फ यो अवार्ड नामिबिया, अमेरिकातर्फ बर्मुडा, युरोपतर्फ नेदरल्यान्ड्स र पूर्वी एसियातर्फ इन्डोनेसियाले यो अवार्ड जिते ।
२१ एसोसिएट राष्ट्रले मैदानभित्र र बाहिर एक वर्षमा गरेको कार्यका आधारमा मनोनयन गरेको थियाे ।
मनोनित राष्ट्रहरूलाई क्षेत्रअनुसार ‘डेभलपमेन्ट इनिसिएटिभ अफ द इयर’, महिला क्रिकेट ‘इनिसिएटिभ अफ द इयर‘, ‘डिजिटल फ्यान इन्गेजमेन्ट अफ द इयर’, ‘क्रिकेट फर गुड सोसल इम्प्याक्ट इनिसिएटिभ अफ द इयर’ र वेस्ट ‘अन फिल्ड’ (महिला र पुरुष) गरी ६ विधामा अवार्ड वितरण गरिएको हो।
