काठमाण्डाै – त्रिदेशीय टी–२० क्रिकेट शृङ्खलामा यूएईले हङकङलाई हराएकाे छ । आज आइतवार मूलपानी क्रिकेट मैदानमा भएकाे खेलमा यूएईले हङकङलाई ६ विकेटले हरायाे ।
हङकङले दिएकाे १ सय ५० रनकाे लक्ष्य यूएईले १८ ओभरमा ४ विकेट गुमाएर भेटायाे । यूएईका कप्तान माेहम्मद वसीमले ४० र खालिद शाहले ३७ रन बनाए । बलिङतर्फ हङकङका यासिम मुर्तजाले २ विकेट लिए ।
यसअघि टस हारेर ब्याटिङकाे निम्ताे पाएकाे हङकङले निर्धारित २० ओभरमा ५ विकेट गुमाएर एक सय ४९ रन बनायो । हङकङका बाबर हायातले ६६ र एजाज खानले ४८ रन बनाए । बलिङतर्फ यूएईका जहुर खानले ३ विकेट लिए ।
शृङ्खलाअन्तर्गत भाेलि साेमवार नेपाल र यूएईबीच खेल हुनेछ । याे खेलमा विजयी भएमा यूएई फाइनलमा पुग्नेछ । तर नेपालसँग पराजित भएमा यूएई पर्सि बुधवार हङकङसँगकाे खेलमा विजयी हुनुपर्नेछ । यदि हङकङसँग पराजित भएमा भने नेट रनरेटमा भर पर्नेछ । फाइनल खेल शुक्रवार हुनेछ । नेपाल यसअघि नै फाइनलमा पुगिसकेकाे छ ।
