माण्डु हाइड्रोपावरको आजबाट दोस्रो बजारमा कारोबार सुरु
साझा परिवेश
बुधबार, अशोज २४, २०८० १0:१0
काठमाडौं : नेपाल स्टक एक्सचेन्ज (नेप्से)मा माण्डु हाइड्रोपावर लिमिटेडको आईपीओ मंगलबार सूचीकृत भएकोमा सेयर धितोपत्रको दोस्रो बजारमा आजबाट कारोबार सुरु भएको छ।
नेप्सेमा साधारण सेयर कुल १ करोड ३६ लाख ३६ हजार ३ सय ७० कित्ता सूचीकृत भएको थियो। उक्त कम्पनीको दोस्रो बजारमा पहिलो कारोबारको लागि प्रतिकित्ता १२४.४२ देखि ३७३.२६ ओपन रेज्ज तोकिएको छ।
सर्वसाधारण सेयरधनीसहित वैदेशिक रोजगारीमा गएका नेपाली, सामूहिक लगानी कोष, स्थानीय बासिन्दा र कर्मचारीसहित १६ लाख ३६ हजार ३ सय ७० कित्ता सेयर सूचीकृत छ। यसैगरी कम्पनीको र संस्थापक सेयरधनीहरूले लगानी गरेको १ करोड २० लाख कित्ता गरेर कुल १ करोड ३६ लाख ३६ हजार ३ सय ७० कित्ता साधारण सेयर सूचीकृत गरिएको थियो।
सेयर सूचीकरणपछि काठमाडौंको एनआईएमबीएस क्यापिटल लिमिटेडबाट सेवा दिने कम्पनीले बताएको छ।
