स्ट्यान्डर्ड चार्टर्ड बैंकले मंसिरका लागि घटाएर सार्वजनिक गर्यो नयाँ ब्याजदर
साझा परिवेश
आइतवार, कार्तिक २६, २०८० ११:१९
२६ कात्तिक, काठमाडौं। स्ट्यान्डर्ड चार्टर्ड बैंकले मंसिर महिनाका लागि नयाँ ब्याजदर सार्वजनिक गरेको छ । बैंकले मंसिर १ गतेदेखि लागुहुने गरी विभिन्न खातामा घटाएर नयाँ ब्याजदर सार्वजनिक गरेको हो ।
बैंकले सार्वजनिक गरेको विवरण अनुसार बैंकले व्यक्तिगतर्फको मुद्दति निक्षेपको अधिकतम ब्याजदर ८.९७ प्रतिशत कायम गरेको छ।कात्तिकमा बैंकले व्यक्तिगततर्फको मुद्दति निक्षेपमा अधिकतम ९.२२ प्रतिशत ब्याज दिएको थियो । कात्तिकको तुलनामा मंसिरमा बैंकले ब्याजदर घटाएको छ ।
यसैगरी, बैंकले मंसिरका लागि १ वर्ष वा सोभन्दा बढी अवधिको संस्थागततर्फको मुद्दति निक्षेपको अधिकतम ब्याजदर घटाएर ५.२५ प्रतिशत सिमित गरेको छ । भने कल निक्षेपको ब्याजदर २ प्रतिशत र बचतको ब्याजदर ६।०५ प्रतिशत कायम गरेको थियो । कात्तिकमा बैंकले संस्थागततर्फको मुद्दति निक्षेपको अधिकतम ब्याजदर ५.५० प्रतिशत कायम गरेको थियो भने कल निक्षेपको ब्याजदर २.१३ प्रतिशत र बचतको ब्याजदर अधिकतम ६.३० प्रतिशत कायम गरेको थियो ।
